فايدة كامل تكتب.. أبطال ظلمتهم أخلاق مجتمعنا - دوشة فن دوشة فن - فايدة كامل تكتب.. أبطال ظلمتهم أخلاق مجتمعنا فايدة كامل تكتب.. أبطال ظلمتهم أخلاق مجتمعنا - دوشة فن دوشة فن - فايدة كامل تكتب.. أبطال ظلمتهم أخلاق مجتمعنا أخبار

فايدة كامل تكتب.. أبطال ظلمتهم أخلاق مجتمعنا

السبت 27 أغسطس 2016 - 15:48 مساءً
فايدة كامل تكتب.. أبطال ظلمتهم أخلاق مجتمعنا

في الوسط الفني الذي يجمع كل الاطياف والذي اصبح غير قادر علي تفرقه الفنان المحترف من الفنان المبتدئ والذي ليس لديه خبره علي إلاطلاق ولكن عنده فرصه متتعوضش جياله علي طبق من دهب ..لأنه صديق المخرج ولأنه ابن عم المنتج و....إلخ

 

فنان مثل ياسر جلال ..ماذا ينقصه من خبره وفن وإحترام وإلتزام حتي يصبح من ضمن مشاهيركل يوم في المواقع والقنوات؟؟ كلامي ليس تقليل منه بل بالعكس هودليل علي كونه نموذج الفنان الرائع ولكن إعلامنا لايهتم بمثل هذا الفنان ..ولأنه معندوش كوارث أخلاقيه فللاسف مبنتكلمش عنه ..

 

أحمد زاهر..نجم خفيف ويمتعنا دائما بأدواره سواء دور الشر اودور الطيبه ويمتعنا ايضا بفناناته الصغيرتين ملك وليلي. وعلي الرغم من فنه واحترافه إلا إنه ايضا إلي الان لن يأخذ حقه ووضعه في إعلامنا الظالم المتعكربإنعدام أخلاقي . مبنشوفش زاهر في ندوه، موقع او جرنال اوتكريم من مجله . خلاص كان زمان شويه بس في الاول، انما دلوقتي بنبص دايما علي اللي واخدين الفن للقاع وسايبين صناعه بعيد عننا ..

 

إحنا بس بنستضيف الراقصه فلانه والمطرب الشعبي فلان ونكرمهم وندعمهم وسايبين أصحاب الاخلاق الرفيعه والفن الراقي ...

 

الفنان طارق لطفي واحد من الذين لمعوا في التلفزيون، سنين طويله بيمثل وبيقدملنا اعمال دراميه عظيمه بدايه من مشاركته في المسلسل العظيم " الوسيه "وفقط بدأ ياخذ فرصته من سنتين بس ومع ذلك مش موجود علي ساحه التكريمات الاعلاميه العظيمه اللي بتعملوها.

 

وغيرهم كتيرمن فنانين يستحقوا التكريم والتقدير سايبينهم وبتكرموا الرقصات ومهتمين بحاجات حقيقي "مش عارفه ايه علاقتنا كإعلام بيها"

 

وعلي سبيل الكوميديا..نترك اهم جانب في الفن وهي الكوميديا الذي اصبحنا نحتاج إلي أعمال تناقشها كثيراااا نظرا لما نحن عليه . فماذا عن كوميديان حقيقي مثل "علي ربيع" هو ليس مجرد كوميدي يمتهن مهنه ولكنه طبيعي تلقائي مسترسل في كلامه . قادربالفعل علي رسم البسمه علي وجوه من يشاهدوه..

 

وليس هو فقط بل والفنان مصطفي خاطر وحمدي الميرغني ونجوم مسرح مصر الذي اكتشفهم فنان محترم وعبقري "اشرف عبد الباقي" قدر ببساطه يتعاون معاهم ويحبهم ويحب العمل ككل علشان يقدر يحقق النجاح ده ويفرح الناس دي.

 

فكره اشرف عبدالباقي كانت مثال لمخرجين ومنتحين مصر من وجهه نظري..انه قدر يتعاون مع ابطال خلف الستار حتي يصبحون ابطال امام العالم كله..فلماذا نترك الفنانين ذوات الخبره والذي ليس لديهم فرصه دون ان نقف جانبهم ونساندهم ونقدم عمل محترم ؟؟

 

رسالتي انا للمخرجين والمنتجين والمؤلفين واي شخص بأيدهث يكتشف موهبه. إهتموا بالوشوش البسيطه اللي ظهرت في اعمال صغيره في دور بسيط هتلاقيهم نجوم وابطال ..إهتموا بالابطال الحقيقيين اللي الناس مش شيفاهم. لكن انتم تعلمون جيدا مهاراتهم وإما لماذا تفعلوا ورش التمثيل وغيرها؟؟ اكيد ده علشان الناس اللي معندهاش فرصه يكون عندها فرصه واتنين علشان نظهر الابطال الحقيقين للجمهور اللي مستني يشوف حاجه نضيفه.

 

رسالتي للاعلاميين ورؤساء التحريرفي المجلات والجرايد : هو انتو بتستفادوا ايه لماتكتبوا خبر عن بكيني الساحل مثلا .!!!! أو لمابتكتبوا ان المطرب الشعبي فلان كان بيحيي حفله في الجامعه مثلا!!!.. هي الناس محتاجه الاخبار دي في ايه؟.. هيستفادوا ايه؟؟.

 

بنكرم الفنانه فلانه اللي هي اصلا ممكن تكون عملت اعلان وشكرا بس بنكرمها علي ايه الدريس اللي كانت لبساه !!!! ولا الميك اب الوااااو !!!! بتكوموهم علي ااااااايه!!!! وسايبين النجوم اللي ذكرتها واللي لم اذكرها يعملوا ادوارهم ويقعدوا في بيوتهم يتفرجوا عليكوا وانتو بتقدروا فن القاع وبتعملوا قيمه لمن لاقيمه له.. عجبت لكم جميعا وأتمني ان تصل رسالتي إلي الجميع .

  • تعليق الفيس بوك
  • تعليق الموقع

اظهار التعليقات